Bislimi: Spanja i njeh pasaportat e Republikës së Kosovës

15:22 | 6 Janar 2024
E.G

Zëvendëskryministri i Kosovës, Besnik Bislimi ka njoftuar se Spanja i njeh pasaportat e Republikës së Kosovës.

Me anë të një njoftimi në Facebook, Bislimi tha se  Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë, shkruan Arbresh.info.

“Lajmet e mira vazhdojnë. Për qytetarët tanë dhe shtetin.DG Home ka njoftuar se tashmë edhe Spanja i njeh pasaportat e Republikës së Kosovës. Pra mund të udhëtojmë pa viza dhe drejt këtij shteti. Ndërsa me 1 janar nisi lëvizja pa viza, Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë.”, ka shkruar Bislimi.

“Vazhdojmë tutje, për të sjellë lajme të tjera të mira, e që ndikojnë pozitivisht për qytetarët tanë.”, përfundoi ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm